Ineriartorneq stressemillu pinaveersaartitsineq
20. april aamma 21. april Nuummi Inuk Hostel-imi ineriartorneq stressemillu pinaveersaartitsineq ingerlappara, pikkorissaaneq ima ilaatigut imaqarpoq;
socialpsykologi
nammineq silarsuaq, illersuutigut qisuariartaatsigullu
Stress pillugu; timimi qaratsamilu qanoq sunniuteqartarnera, ataasiakkaat stressfaktoritik nassaarinerat, pinaveersaartitsinerlu.
Attaveqatigiineq, aqutseriaatsit assigiingitsut
Ajornartorsiutinik aaqqeeriaatsit
Aakualu peqataasut ilaasa oqaaseqaataat;
Amínguak Lund;
"Eqqissisimaalaareerlunga kursuserneq eqqarsaatigerujoortarlugu pilluaammisaarnersuaq qujamasunnersuaq🥰
Peqqissimissutissaqanngeqaanga taamannak imminut pillunga investeriisimagama uannut.
Pikkorissaasorput suliaminut uummateqangaartoq pikkorilluinnartoq, kalaaleq arnaq, pikkorissaanini kalaallisuinnaq ingerlakkaa, oqaatsitigut pappiaqqallu tunniunneqartut.
Pikkorissakkani naligalugit naligilluinnarlugit pikkorissaasoq. Tamatta uummatigut tarnigullu attorlugit takutitsillunilu uisitsisoq paasititsisorlu. Minnerunngitsumillu toqqissisimanangaartoq.
Tamanut assigiinngitsutigut aqqusaagaqarsimasunut aqqusaagaqartunulluunniit, assigiinngitsutigullu ineriartorusuttunut alloriarusuttunullu innersuunnaqaaq"