Inuusuttut Kommune Kujallermeersut Majoriaq Kujalleq suleqatigalugu sap ak marluk sammisaqartinnerat uani Eigil Kristensen-ip filmeeraliaani pisartut ilamininngui takusinnaavasi.
Sap ak marluk ingerlaneranni makkua sammineqarput;
Tatitussusermik pikkorissarneq
Qatserinermut sungiusarneq
Qanisartuunut weekenderneq
Nunami, qaqqani illoqarfinnilu pisuttuarnerit
Fitness-erneq
Inuilimut studietur
Suliffeqarfinnut misiliinerit paasisassarsiornerit, ukuusunut; RAL, Great Greenland, Arctic Prime Fisheries
Ilinniaqqiffissanik saqqummiuffigitinneq, makkuusut; Efterskole, AFS, Georg Stage, Arktisk guide, Adventure guide, terminalarbejder, Inuilimi ilinniarfissat, aalisakkerivinni/kilisaatini suliniaraani ilinniarfissat assigiingitsut, savaatilittut ilinniarneq
Aningaasaqarnermut tunngasut
Savaateqarnermut tunngasut
Pitsaaliunermi siunnersortit; pujortartarneq mittatiginnittarnerlu pillugit
Imminut piumaffigisinnaaneq misigissutsinillu oqaasinnguisinnaaneq/paasititsisinnaaneq/attaveqatigiineq
Ikioqatigiineq suleqatigiinerlu
Ullaakkut makissinnaaneq
Inuusuttut 16-it ullumi ungeprojektimi peqataasimanerminni allagartartaarput, sap ak marluk ingerlaneranni ullaat timersornermik aallarnertarpagut, ilai pisuttuartut ilaalu nukkassaatilerisarlutik. Kingorna sammisassat qulaani taaneqartut sammineqartarput.
Sammisaqartitsinerup siunertaa sisamanik agguarneqarnikuuvoq ukuusunut;
Angajoqqaat qimallugit "kollegiemi" najugaqarneq, Siniffik-Inn najugaqarfigalugulu nerisaqarlutillu paarsisulerlutik ataatsimut "kollegie-put"
Timersorneq; nammineq toqqakkaminnik gruppenut marlunnut avipput, pisuttuarneq aamma fitness
Ilinniagaqarneq/sulineq; ataasiakkaarlugit oqaloqatigineqarput siunissami takorluugaat aammalu ingerlariaqqiffigerusutaat suuneranik, taakualu piumasaqaataasa suuneranik. Sammisaqareernerisa kingorna suliffeqarfinni nammineq misilikkusutaminni praktikkissapput qaammatit pingasut, periarfissaqarpullu juunip naanissaata tungaanut ingerlaanassallutik
Inuttut ineriartorneq; tatitussusermik pikkorissarput, eqqarsartariaatsit peqqinnarnerusut sammineqarput, misigissutsillu tamarmik siunertaqarnerat sammitinneqarpoq. Inuusuttut inuttut killiffii ataqqeqqinnaarlugit alloriarnissaanik kaamattuineq ingerlanneqarpoq.
Sammisaqartitsinermi suleqataasut tamaasa qujaffigaakka, sulilluaqaasi tamassilu sunniuteqarluarpusi.
Sammisaqartitsinermi Eigil Kristensen aamma Helga Nielsen suleqatigaakka.
Majoriaq Kujalleq sinnerlugu projektimut aqutsisutut akisussaasutullu inissisimasoq Pipaluk Lund Olsen.
Comments